Второй год подряд недалеко от села Паракино Большеберезниковского района Республики Мордовия прошёл Районный праздник семейного досуга «Ашо лисьма» («Белый родник»), посвящённый Дню семьи, любви и верности. В нём приняли участие несколько сотен человек из Паракино, соседних сёл района, гости из г. Саранск, Лямбирского и Дубёнского районов. Были развернуты декоративно-прикладные, кулинарные, развлекательные площадки.

Состоялся большой праздничный концерт с участием творческих коллективов муниципальных районов Республики Мордовия, эстрадной группы БРЭД БИТ г. Саранск.

DSC04745.JPG

«БЕЛЫЙ РОДНИК» ЗОВЁТ... 

Второй год подряд недалеко от села Паракино Большеберезниковского района Республики Мордовия прошёл Районный праздник семейного досуга «Ашо лисьма» («Белый родник»), посвящённый Дню семьи, любви и верности. В нём приняли участие несколько сотен человек из Паракино, соседних сёл района, гости из г. Саранск, Лямбирского и Дубёнского районов. Были развернуты декоративно-прикладные, кулинарные, развлекательные площадки.

Состоялся большой праздничный концерт с участием творческих коллективов муниципальных районов Республики Мордовия, эстрадной группы БРЭД БИТ г. Саранск.

«АШО ЛИСЬМАСЬ» ТЕРДИ...

Покш Березникень Парынзасо таго ютась семиянтень алтазь покш чи

Те иень медьковонь котоце чистэ Покш Березникень буень Парынза велев таго сакшность ламо инжеть. Тесэ омбоце ие мельцек ютась «Ашо лисьма» семиянек оймсемань районной покш чи. Сон алтавсь семиянь, вечкемань ды ялга-ялгань лангс кемемань чинтень. Зярыя сядот ломанть – седе ламотне Парынзасто, шабра велестэ, Сарансто, Дубёнкань, Лямбирень буетнестэ, лия таркасто сакшность оймсеме Ашо лисьма латконть чирес. Кода меляткак, тесэ стявтозельть сцена, зярыя шатёрт, теезельть налксема, озамо таркат, путозельть раськень ярсамопельсэ каванямонь, сувенирэнь микшнемань туртов моргат.

Обедтэ мейлень 16 частнэнь малав васолов марявиця гайтев моротне ды музыкась тердсть ломантнень пурнавомс покш чинь ютавтома таркантень. Кить састь ялго, кить машинасо... Зярыя шкань ютазь покш чинь ютавтома таркась пешкедсь мазый оршамопельсэ оршазь ломаньсэ. Весень ёжост ульнесь паро. Чуросто ней савкшны вастневемс ялга-ялга марто, кортнемс седейшкава, панжомс потмот.

Покш чинть нурька валсо панжизе ды паронь арсемат ёвтась Покш Березникень буень администрациянь социальной тевень коряс управлениянь прявтось О.В. Губанищева. Лембе валт пурнавозтненень истя жо ёвтась Мордовия Республикань культурань, национальной политикань ды архивной тевень министрань васенце полавтыцясь А.И. Карьгин, Парынза велень администрациянь прявтось Т.И. Гребенцова ды лият. Башка семиятненень максозельть Шнамо конёвт ды казнеть.

«Ашо лисьма» покш чисэнть яволявтозель кенярксов куля: «Од веле» вейсэндявксось, конань прявтсо Е.Е. Ледяйкин, таго изнясь Российской Федерациянь Президентэнть грантонь саемасо. Питнейкс ловозь «Коень кудо» музейно-культурной центра» лем ало сонзэ проектэзэ. Грантонть покшолмазо – 2364608 целковойть. «Коень кудось» ули панжозь Парынзасо.

Сонсь «Ашо лисьма» покш чиськак чачсь аволь чаво таркас. Муевсь ломань, кона мелявтозевсь тиринь веледензэ, сонзэ одс вельмевтемадонзо. Те – Евгений Евгеньевич Ледяйкин. Сон велявтсь эрямо Парынзав Московсто. Стявтсь тесэ кудо. Ней терди сонзэ ладсо тееме лиятненьгак. Пурнась-панжсь «Од веле» вейсэндявкс, конань вельде тевс ютавты проектэнзэ. «Ашо лисьма» районной покш чись сынст ютксто вейкесь.

Те иень покш чинтень «Ашо лисьма» латконть чирес чувозь алкуксонь лисьма (сруб, «карго» марто). Одкстомтозель покш чинь ютавтомань лувось-программаськак. Тердезельть од ансамблят, морыцят, конатнень ютксто явовсь Сарансто «Брэд Бит» неень шкань кавер-группась. Анокстазель седе ламо брага, пидезель колмо котёлсо японской карпасто штюрьба (мелят ульнесь вейке котёл). Паксянь кухнястонть каванясть ликшань (гречка) кашасо, надобиянь тикшестэ анокстазь ламбамо чайсэ.

Кодамо покш чи моровтомо?! Сындест ульнесть ламодояк ламо. Эсь шкинемасост весень кенярдовтызь аволь ансяк Покш Березникень буень, истя жо Лямбирьбуень, Дубёнкабуень, Саран ошонь художественной самодеятельностень артисттнэ ды профессиональной коллективтне. Пек лембестэ вастозельть «Парынза», «Эрзяночка» (Чугурвеле), «Веселуха» (Покш Березник веле), «Вспомним, друзья» (Лямбирь) ансамблятнень, Тамара Кедяйкинань, Сергей Гаврюшовонь, Пелагия Тюрькинань, Елена Ледяйкинань, Ирина Губанищевань, Геннадий Суродеевень, Юлия Ворожейкинань ды лиятнень гайтев морост.

Прядовсь покш чись «Ине толонь» кирвазтемасо, толпандянть вакссо кортнемасо, киштемасо, моронь морсемасо.

Е. АСМОЛОВА

Фототнесэ: «Ашо лисьма» покш чинь ютавтома шкасто.

Фототне авторонть

DSC04744.JPG