«Вайгель»национальной радиопрограммась гайги 73, 88 УКВ частотасонть. 
Сайт: vaigel.ru

«Вайгель»национальной радиопрограммась гайги 73, 88 УКВ частотасонть. Эфирень шказо 16.00 чассто саезь 19.00 часс.

Васенцекс "Вайгель", политической ды информационно-музыкальной радиопередачась, бажи кастомс-кепетемс эрзянь ды мокшонь кельтнень, литературанть, культуранть ды койтнень- кирдатнень виест. Арси кепетемс эрзятнень ды мокшотнень мелест, наянчист, корост.

«Вайгелесь» пачти республикань общественно-политической, социально-экономической, образованиянь ды культурань эрямодо.

Минек эфиртнэсэ евтневи сенде, кода эрить эрзятне ды мокшотне Мордовиясо. Эрьва чистэ пачти тенде «Мордовиянь кулят» рубрикась.

«Финнэнь-угрань кулятне» евтнить сенде, кода эрить малавикс раськетне, кодатт тевть сынь топавтыть. Кулятнеде мейле максовить морот эрьва-кодамо малавикс раськень кельсэ. Гайгить морот финнэнь, маринь, удмуртонь, карелэнь ды лия кельсэ.

«Сась инже», «Сась инжи» рубрикасонть вастовома содавикс эрзя ды мокшо марто. Те – театрасо налксицят, морыцят, сермадыцят, музыкань ладицят ды лият. Эрьваст панжи эсь оймензэ, пачти арсемат, евты паро валт кунсолыцятненень.

«Тиринь вал», «Минь литератураньке» рубрикатне содавтыть кунсолыцянть эрзянь ды мокшонь евтнематнень, стихтнень, пейтькшнематнень марто. Сеетьстэ сон анокстави эсест сермадыцятнень лезксэст вельде.

Эйкакштнэнь туртов важоди «Пейделькань кужине», «Идень куженя» радионь лопатне. Сонзэ анокстыть эйкакштнэяк, конат тонавтыть эрзянь ды мокшонь кельтнень. Тесэ гайгить морынеть, стихть, налксемат.

«Течинь темас», «Тячинь темас», «Ули мель» - тесэ кортамо талновтыця кевкстема лангс. Вастовомат эрсить политиктнень, чиновниктнень марто. Эрьвачистэ гайгить «Содамочинь нупаль», « Содасасть ли тинь?» («Это интересно»), «Пингень гайть», «Перьфпялень лепне» («География Мордовии»), «Эрямонь тешкст», « Тячи лятфнесаськ»( «День в истории»), «Раськень вий», «Содавикс лем»( «Люди Мордовии») рубрикатне. Сынь максыть ламо мезе эрявикс, кода одтнэнень, истя сыретнененьгак.

Эрьва эфирсэнть гайгить морот: фольклорнойть ды эстраднойть, кезэрень ды неень шкань.

«Вайгельсэ» важодить журналистт, конат прядызь Н.П.Огарев лемсэ «Журналистика» отделениянть. Сынь парсте кортыть эсест тиринь кельсэ, маштозь саить интервью, вадрясто теить эфиртнэнь. Путыть весе виест ды оймест вечкевикс тевентень. Сынь вечксызь эсест кунсолыцяст. «Вайгелесь» казезь эрьва –кодамо казнесэ, шнамонь коневсо.

Эрзят ды мокшот, кунсолодо «Вайгеленть»!!!